Fantatro

Isalo Photo: K. Lehmann

Fantatro fa tsy ho ahy …
Hadalana angamba ny ahy !
Nefa ho avy ny fotoana
Ialako indray ny saona,

Mangina no hany fanafana
Itelemana ny ngidy
Tsy didy ny ahy fa safidy
Hisedra indray ny fasana

Fantatro fa tsy ho ahy
Ity vatako toa manahy
Toa zary mangina sy moana
Raha mahatsiaro ilay fotoana

Fijaliana, fihafiana
Mety koa ho fahoriana
Ny fandaozana ny tany
Ilay safidy tany ho any …

Fiainana izany hoy ianao
Angamba, nefa toa zary kilalao !!!