Setrasetra

Brown Lemur Photo: K. Lehmann

Nogoahanao tokoa 'ty foko,
Sy zay hany mba fananako,
Vono, ratra, sy toloko
Fa norovitinao 'ty lambako !

Ditsoka aho tsy jerena,
Potraka aho tsy tantanana,
Lazaina foana fa hagegena
Raha tojo mba tsy fahombiazana !

Setrasetra, havinirana
No nanjary fahazarana
Afobe tsy hay divirana,
Fa hay ! Fitia notambazana !

Trerona tsy ahoan-tsy ahona,
Lazaina fa hoe "isarahana",
Dradraina ny hoe : tsisy fotoana !
Na 'ray minitra aza iarahana

Kanefa dia tadiaviny eny,
Raha sendra ka tsy hita,
amorom-bala, ambody fefy,
fa sao hoe hono manao sipa!

Tsy avelanao mba hiantefa
'ty fo, fitiavana mirefa !
Matin-tsindrinao, hilefa
'ty lay fitia toa Setrasetra !