Tonokalo Ho Anao

Antandroy Desert Photo: You and Africa

Dia noraisiko ny penina, hanoratako ho anao
Toa mamolivoly ny ati-panahiko no indrisy fa injao
Irony vetsovetso sy ny eritreritra toa lafatra
Toa te-hahalala anao ry olona tsy fanatra !

Irony sombin-dahatsorany, irony andran-tonokalony
No manosika ahy te-hahafantatra ny kantony
Ilay fikasany te-hifanindran-dàlana
No nahavaka ny saiko teo an-tany ngazana

Hanoraty tononkalo aho hoy ianao tsy nisalasala
Dia nanoratra aho, saingy indrisy toy ny adala
Noho ianao tsy fantatro nefa mikiky ny adin-tsaiko
Ny fanirianao zato, mila haningotra ny aiko

Tonokalo iray mafonja no tokony atolotro anao
Nefa indrisy fa tsy mety fa toa lasa mivaona
Tonokalo iray tsara rindran miady rima
Saingy tsy mety vita na dia ianao aza efa liana !