Tsiniko Ve ?

Lemur Catta Photo: K. Lehmann

Amboaran-tononkalo mba finoroko ho an-dry,
Na dia tsy hoe tsara voatra !
Teny vitsivitsy monja, nofonosako fitia,
Dia injao fa nitroatra !

Gorisarisam-peniko ! Voasoratra ny anaranao !
Tsy tsinahiko akory !
Nampitony adin-tsaina sy nampisy ainga vaovao,
tonga ody sorisory !

Misy vetso miampita, voary an-tany lavitra,
Izaho saika toa tsy nino !
Ianao !! Tsy mbola fantatro, kintan-kely ery an-danitra,
Lavitra aho fa aza adino !

Tsotra kely, fohifohy, ity izy azafady !
Fa izao no vao natao !
Dia ho tsiniko ary ve raha somary vazivazy ?…
Ny atifoko mila anao.