Tsy Hita

Cute Lemur Photo: E. Wichems

Any ambadiky ny tsy hita
Ao izy fa tsy tazana
No misy ilay malalako
No misy ilay tsy foiko

Tsy hitako, nefa … Toa lalaiko
Tsy tazako ianao, nefa … Toa iriako
Lalaiko mba ho namako
Iriako sa ho giaziko ho fananako !

Ny hakantonao ry aiko
Toa tsy afaka ato an-tsaiko
Ilay endrikao maranidranitra manify
No voafinatsiky ny foko iky !

Ny feonao indray toa milantolanto
Toa mambabo izany foko
Ny fankafizanao ny kanto
Mampisinda ny tolokoko

Oay ! Rediredy miaro hadalana kay ny ahy !
Hay izaho tsy mahalala fa tsy fantatrao akory
Mahavalabalaka fanahy !
Mila tsy ahitako tory !